Quny 1 mlrd teńge bolatyn baǵaly metaldardy zańsyz áketý áreketiniń joly kesildi – Shekara qyzmeti
ASTANA. KAZINFORM – Jyl basynan beri 9 620 lıtr hımııalyq zattardyń («Tuz qyshqyly», «Atseton», «Fenıppentan») jáne 1000 kg «Bromketon-4» zatynyń zańsyz tasymalynyń joly kesildi, dep habarlady búgin QR UQK Shekara qyzmetiniń baspasóz qyzmeti.
Baspasóz qyzmetiniń málimetterine qaraǵanda, bıyl naýryz aıynda Ulttyq qaýipsizdik komıtetiniń (UQK) Shekara qyzmeti memlekettik shekara arqyly zańsyz kóshi-qonǵa, kontrabandaǵa jáne esirtki zattarynyń taralýyna qarsy is-qımyl baǵytynda birqatar is-sharalardy ótkizngen.
Osy baǵyttaǵy jumystardyń nátıjesinde Aqtóbe oblysynda júk avtokóliginiń tirkemesinde ótkizý pýnktinen jasyryn ótýge árekettengen 18 shetel azamaty anyqtaldy.
Soltústik Qazaqstan oblysynda «sıntetıkalyq esirtkilerdi» daıyndaýǵa arnalǵan kólemi 5100 lıtr prekýrsorlardyń iri partııasy tabyldy.
- Qabyldanǵan sharalardyń nátıjesinde atalǵan prekýrsorlardyń sońǵy alýshylary belgili bolyp, esirtki zerthanalary joıyldy,-delingen habarlamada.
Sondaı-aq, Jambyl oblysynda shekarashylar shetelge 1 mlrd teńge somasyna 160 tonna ken men baǵaly metaldar kontsentrattaryn (quramynda altyn bar qum) zańsyz áketý áreketiniń jolyn kesti. Atalǵan faktiler boıynsha materıaldar protsessýaldyq sheshim qabyldaý úshin quzyretti organdarǵa joldandy.
Osyǵan deıin UQK Shekara qyzmeti 60 mln teńgelik temeki kontrabandasynyń jolyn keskeni týral jazdyq.
