Bıyl 6 otandyq fılm keń prokatqa jol tartty

2026 jyldyń alǵashqy jartyjyldyǵynda memlekettik qoldaýmen túsirilgen alty fılm keń prokatqa shyqty. Olardyń qatarynda «Gıpnoz», «Bılet ız raıa», «Osennıı brız», «Qut», «Ábil» jáne «Prıanıkı dlıa ee ottsa, moego pradeda, ee deda» derekti fılmi bar.

Derekti fılmniń elimizdegi kınoteatrlarda keń prokatqa shyǵýy ulttyq kıno salasy úshin mańyzdy oqıǵa boldy. Bul avtorlyq jobalardyń keń aýdıtorııaǵa jol ashýyna múmkindik beredi.

Jańa kınojobalardy júzege asyrý jumystary da jalǵasyp jatyr. Ulttyq kınony qoldaý memlekettik ortalyǵynyń qoldaýymen «Muǵalim» jáne «Kenjem qaıda?» fılmderiniń óndirisi aıaqtaldy. Qazir 23 kınojoba ázirlenýde, onyń 21-in jyl sońyna deıin aıaqtaý josparlanyp otyr. Sonymen qatar konkýrstyq irikteý nátıjesinde taǵy 18 kınojoba memlekettik qoldaýǵa ıe boldy.

«Otandyq anımatsııany damytý jumysy – saladaǵy basym baǵyttardyń biri. "Qazaqanımatsııa" shyǵarmashylyq birlestiginiń pıtchıngi nátıjesinde 10 anımatsııalyq joba irikteldi. Bul balalar men otbasylyq kontenttiń sapasyn arttyryp, qazaqstandyq oqıǵalar men keıipkerlerdi zamanaýı anımatsııa arqyly tanytýǵa múmkindik beredi», – dep habarlady mınıstrlik.

Qazaq kınosynyń «Altyn qoryn» saqtaý baǵytyndaǵy jumystar da jalǵasýda. Jyl basynan beri «Vozvraşenıe syna», «Do svıdanııa, Medeý», «Zvýchıt tam-tam», «Zolotoı rog» jáne «Pesnıa zovet» fılmderi tsıfrlyq formatqa kóshirildi. Al «Alpamys ıdet v shkolý» men «Trevojnoe ýtro» fılmderi qaıta qalpyna keltirildi.

Budan bólek, jyl basynan beri prokat kýáligin berý boıynsha 1 539 ótinim qaralyp, onyń 1 344-ine arnaıy kýálik berildi. Bul kıno salasyndaǵy qyzmetti júıelep, zańnama talaptarynyń saqtalýyn qamtamasyz etýge baǵyttalǵan.

Aıta keteıik, Astanada «4739» derekti fılminiń premerasy ótti.