Bıyl 592 km bolatyn 260 bóget salyndy — Úkimet
ASTANA. KAZINFORM – Elimizde aýyl sharýashylyǵy jerlerin turaqty sýarýdy qamtamasyz etetin sý qoımalaryn, bógetter men kanaldardy qosqanda, 13 myńnan astam gıdrotehnıkalyq qurylys bar. Bul týraly Úkimetten habarlady.
Qazaqstannyń sý ınfraqurylymyn jańǵyrtý
2024 jyly elimizdiń ońtústik aımaqtaryndaǵy egistik alqaptardy sýarý úshin 10,9 km³ sý jiberildi, ol sýarýǵa arnalǵan sý qabyldaýdyń jalpy kóleminiń 97%-yn quraıdy. Talas jáne Shý ózenderi boıynsha kórsetkishter aıtarlyqtaı jaqsardy, bul sýmen jabdyqtaý jáne sýarý boıynsha iske asyrylyp jatqan is-sharalardyń tıimdiliginiń aıǵaǵy.
Bıyl Shardara sý qoımasyna 4,8 mlrd m3 sý keldi, ıaǵnı, 2023 jylmen salystyrǵanda 2 ese kóp. Memleket basshysy jedel den qoıýdy talap etetin birqatar negizgi baǵyttardy atap ótti. Olardyń ishinde — sý ınfraqurylymyn jańǵyrtý, tarıftik saıasatty qaıta qaraý, sý únemdeý tehnologııalaryn engizý jáne zańnamalyq bazany jetildirý isi bar.
Sý resýrstary jáne ırrıgatsııa mınıstrligi qurylǵannan beri elimizdiń sý sharýashylyǵy salasyn túbegeıli ózgertýge baǵyttalǵan aýqymdy reformalardy bastady. Jańa normatıvtik-quqyqtyq bazany ázirleý boıynsha úlken jumys atqaryldy: jańa Sý kodeksiniń jobasy ázirlendi, Májiliste alǵashqy tyńdaýlar ótkizildi, 2030 jylǵa deıin sý resýrstaryn basqarý júıesin damytý tujyrymdamasy bekitildi, sondaı-aq 2028 jylǵa deıin sý salasyn damytýdyń keshendi jospary jáne 2026 jylǵa deıin sý únemdeý jónindegi Jol kartasy ázirlendi. Bul qujattar sý salasyn jańǵyrtýǵa, sý únemdeý tehnologııalaryn engizýge jáne klımattyń ózgerýiniń saldaryna ornyqtylyqty qamtamasyz etýge baǵyttalǵan. 20 jańa sý qoımasyn salý, sondaı-aq 14 myń shaqyrymnan astam sýarý kanaldaryn qosqanda, qoldanystaǵy 15 sý qoımasyn qaıta jańartý josparlanǵan.
2024 jyly Qazaqstanda 93 gıdrotehnıkalyq qurylysqa tekserý júrgizildi, jalpy uzyndyǵy 592,9 km bolatyn 260 bóget salynyp, nyǵaıtyldy. Sondaı-aq aýyldardy jáne shalǵaı aýdandardy sýmen qamtamasyz etýde mańyzdy qadamdar jasaldy. 39 aýyl ortalyqtandyrylǵan sýmen jabdyqtaý júıesine qosyldy, al 166 eldi mekende blok-modýlder ornatyldy.