Bıyl 550 sheteldik azamat Qazaqstanda bilim alady

ASTANA. KAZINFORM – Qazaqstan Respýblıkasynyń Ǵylym jáne joǵary bilim mınıstrligi jáne «Halyqaralyq baǵdarlamalar ortalyǵy» AQ sheteldik azamattarǵa, onyń ishinde Qazaqstan azamaty emes, ulty qazaq ultynyń ókilderine arnalǵan 2025-2026 oqý jylyna arnalǵan memlekettik stıpendııalyq baǵdarlama sheńberinde konkýrstyq irikteýdiń aıaqtalǵany týraly habarlady. 

— Konkýrs qorytyndysy boıynsha 550 stıpendıattyń negizgi tizimi bekitildi. Atalǵan baǵdarlamanyń «Bolashaq» baǵdarlamasyna qatysy joq ekenin atap ótken jón. Ol 2019 jyldan bastap derbes júzege asyrylyp keledi jáne halyqaralyq akademııalyq áriptestikti keńeıtýge, sondaı-aq shetelden talantty jastardy Qazaqstannyń jetekshi joǵary oqý oryndarynda bilim alýǵa tartýǵa baǵyttalǵan, — delingen habarlamada.

2025 jyly baǵdarlama aıasynda kelesi mólsherde granttar bólindi:

Doktorantýraǵa — 10 grant;

Magıstratýraǵa — 50 grant;

Bakalavrıat — 490 grant.

Baıqaýǵa álemniń 57 elinen 13 723 úmitker qatysty. Іrikteý protsesine 2 668 bilim berý baǵdarlamasyn usynǵan 37 qazaqstandyq joǵary oqý oryndary jumyldyryldy. Eń kóp stıpendıattar ál-Farabı atyndaǵy Qazaq ulttyq ýnıversıtetine, Astana IT University, L. N. Gýmılev atyndaǵy Eýrazııa ulttyq ýnıversıtetine, QBTÝ jáne basqa da oqý oryndaryna qabyldandy.

Baǵdarlama Ortalyq Azııanyń bilim berý haby retinde Qazaqstannyń ımıdjin nyǵaıtý jónindegi strategııalyq mindetti iske asyrýdy jalǵastyrady.

Grant ıegerleriniń tolyq tizimin «Bolashaq» halyqaralyq baǵdarlamalar ortalyǵynyń resmı saıtynan tanysýǵa bolady. 

Al Tájikstan qazaqstandyqtarǵa 100 bilim grantyn bóldi.