Bıyl 41,9 myń adamǵa turǵyn úı kómegi beriledi

ASTANA. KAZINFORM — Eńbek jáne halyqty áleýmettik qorǵaý vıtse-mınıstri Oljas Anafın bıyl qansha adamǵa turǵyn úı kómegi retinde kommýnaldyq ótemaqy beriletinin aıtty.

— 2024 jyly jergilikti atqarýshy organdar 17,5 myń otbasyna nemese 41,2 myń adamǵa jalpy somasy 592 mln teńgeniń turǵyn úı kómegin kórsetti.  Bıyl jergilikti bıýdjetterden turǵyn úı kómegin tóleý úshin 41,9 myń alýshyǵa 1,5 mlrd teńge qarastyrylǵan, — dedi Oljas Anafın.

Bul kómekti alý úshin elektrondyq úkimet portaly arqyly (egov.kz) nemese halyqqa qyzmet kórsetý ortalyqtarynda ótinish berýge bolady.

— Turǵyn úı kómegi kommýnaldyq qyzmetterdi tóleýge, turǵyn úıdi ustaýǵa arnalǵan shyǵystary jergilikti ókildi organdar belgileıtin, shyǵystardyń ruqsat etilgen shekti úlesinen asatyn azamattarǵa kórsetiledi. Shekti ruqsat etilgen úlestiń mólsheri shyǵynnyń 10%-ynan aspaý kerek. Kómektiń bul túri jalǵyz baspanasy bar adamǵa áleýmettik mártebesine qaramastan jergilikti bıýdjet qarajaty esebinen beriledi, — dedi ol.

Eske salsaq, Premer-mınıstr Oljas Bektenov óz kabınetine jalǵa beriletin jeńildikti turǵyn úı baǵdarlamasyn keńeıtýdi tapsyrǵan bolatyn.