Bıyl 4000 otandasymyz qajylyq paryzyn óteıdi
ASTANA. KAZINFORM — Qazaqstan qajylyq mıssııasynyń tóraǵasy, naıb múftı Kenjetaı Baıkemeluly bastaǵan mıssııa ókilderi Qazaqstan Respýblıkasynyń Jıdda qalasyndaǵy Bas konsýly Rýslan Qospanovpen kezdesti. Bul týraly Qazaqstan musylmandary Dinı basqarmasy málim etti.
Kezdesý barysynda taraptar bıylǵy qajylyq maýsymyndaǵy uıymdastyrý jumystary, qazaqstandyq qajylardyń qaýipsizdigin qamtamasyz etý, medıtsınalyq qyzmet kórsetý jáne olardyń saparyn barynsha yńǵaıly uıymdastyrý máselelerin jan-jaqty talqylady.
Óz kezeginde Qazaqstannyń Jıdda qalasyndaǵy Bas konsýly Rýslan Qospanov qasıetti saparǵa keletin otandastarymyzǵa jan-jaqty qoldaý kórsetiletinin atap ótti.
Aıta keteıik, bıyl 4000 otandasymyz qajylyq paryzyn óteıdi. Olarǵa konkýrstan ótken 14 týrkompanııa qyzmet kórsetedi. Mıssııa tarapynan qajylyqty uıymdastyrý jumystary tolyq baqylaýǵa alynǵan.
Eske sala keteıik, bıylǵy qajylyq maýsymy 15 mamyr — 5 maýsym aralyǵynda ótedi.
Al qazaqstandyqtardy qajylyqqa aparatyn áýe kompanııalaryna qandaı talaptar qoıylatynyn myna siltemeden oqyńyz.
Saýd Arabııasy qajylyq qarsańynda Mekkege kirýge qatysty jańa talaptardy jarııalady.
