Bıyl 3 oblysta sý tapshylyǵy kezeńi jalǵasady – Úkimet basshysy
ASTANA. KAZINFORM — Sý tapshylyǵy kezeńi Qyzylorda, Túrkistan jáne Jambyl oblystarynda bıyl da jalǵasady. Bul týraly Memleket basshysy Qasym-Jomart Toqaevtyń tóraǵalyǵymen ótip jatqan Úkimettiń keńeıtilgen otyrysynda Premer-mınıstr Oljas Bektenov aıtty.
- Sýdy únemdeý máselesi basym baǵyt bolyp qala beredi. Búginge sýarmaly jerlerdiń úshten birinen astam bóligi sý únemdeý tehnologııalarymen qamtylǵan. Osynyń nátıjesinde ótken jyly 847 mln tekshe metr sýdy únemdeýge qol jetkizdik. Aldaǵy ýaqytta jyl saıyn qosymsha 150 myń gektarǵa jýyq alqapty qamtý josparlanyp otyr, - dedi Úkimet basshysy.
Premer-mınıstr bul rette kórsetkishterdiń ádeıi burmalanýyna jol bermeý mindeti Sý resýrstary jáne Aýyl sharýashylyǵy mınıstrlikteriniń aldynda turǵanyn basa aıtty.
- Boljam boıynsha sý tapshylyǵy kezeńi Qyzylorda, Túrkistan jáne Jambyl oblystarynda bıyl da jalǵasady. Osyǵan baılanysty qajetti sharalardy qabyldaıtyn bolamyz, - dedi Oljas Bektenov.
Aıta keteıik, jyl sońyna deıin elimizdiń sý-energetıka resýrstarynyń kartasy ázirlenedi.
