Bıyl 292 myń qazaqstandyq jumysqa ornalasty - Eńbek mınıstrligi
ASTANA. KAZINFORM – 1 tamyzdaǵy jaǵdaı boıynsha elimizde 221,7 myń adam jumyspen qamtýǵa járdemdesýdiń belsendi sharalarymen qamtylyp, 292,2 myń qazaqstandyq jumysqa ornalastyryldy, dep habarlaıdy Eńbek jáne halyqty áleýmettik qorǵaý mınıstrligi.
Mansap ortalyqtary arqyly sýbsıdııalanatyn jumys oryndaryna 129,8 myń adam jiberildi. Onyń ishinde: áleýmettik jumys oryndarynda – 11,5 myń, jastar praktıkasynda – 9,1 myń, qoǵamdyq jumystarda – 91,7 myń, «Kúmis jas» jobasy aıasynda – 14,8 myń, «Alǵashqy jumys orny» jobasynda – 2,6 myń, al «Urpaqtar kelisimsharty» jobasynda – 90 adam jumysqa ornalasty.
Eńbek naryǵynda suranysqa ıe daǵdylar boıynsha onlaın oqytýǵa 48,5 myń jumyssyz tartylyp, olardyń 45,3 myńy kýrsty aıaqtady. «Bastaý Bıznes» jobasy aıasynda 34,6 myń adam kásipkerlik negizderine oqytyldy, onyń ishinde 19 myńy oqýdy bitirip, sertıfıkat aldy.
Jumys berýshilerdiń ótinishi boıynsha 4 610 adam kásiptik oqýǵa jiberildi, onyń 834-i oqýdy aıaqtady. Sonymen birge, kásiptik ortalyqtarda 224,3 myń adam áleýmettik kásiptik baǵdarlaýdan ótip, keńes berý qyzmetterin aldy.
- Jumysqa ornalasý birneshe baǵytta júzege asyrylady jáne naqty jumysqa ornalasý faktisi mindetti zeınetaqy jarnalarynyń aýdarylýymen rastalady. 1 tamyzdaǵy derek boıynsha, 292,2 myń adam jumysqa ornalasty. Onyń ishinde: jumyspen qamtýǵa járdemdesýdiń belsendi sharalary aıasynda – 129,8 myń, Elektrondyq eńbek bırjasynda jumys berýshiler jarııalaǵan bos oryndarǵa – 86,2 myń, Memleket basshysynyń «10 myń turǵynǵa – 100 jumys orny» bastamasy sheńberinde – 66,3 myń, ortalyq memlekettik organdardyń jobalary aıasynda – 9,9 myń adam eńbekke ornalasty, - delingen vedomstvo dereginde.
Bıyl halyqtyń áleýmettik osal sanattaryna jańa bıznes-bastamalardy júzege asyrý úshin 400 AEK-ke deıin (1 572 800 teńge) mólsherinde 9 myń grant berý josparlanǵan. Birinshi kezeńde 4,2 myń grant berildi. 11 tamyzdan bastap «Business.Enbek» portalynda ekinshi kezeńge ótinish qabyldaý bastaldy.
Aıta keteıik, sheteldik jumys kúshin tartatyn jumys berýshilerge qoıylatyn talaptar ózgeredi.