Bıyl 229 mektepke deıingi uıym renovatsııadan ótedi

ASTANA. KAZINFORM – Búginde elimizde 11 346 mektepke deıingi tárbıe berý men oqytý uıymy bar. Bıylǵy jyly 229 memlekettik balabaqshany renovatsııadan ótkizý josparlanyp otyr. Bul týraly QR Oqý-aǵartý mınıstrliginiń baspasóz qyzmeti málim etti. 

Mektepke deıingi uıymdardyń renovatsııasy balalardy tárbıeleý men oqytý jaǵdaıyn jaqsartýǵa baǵyttalǵan. Ótken jyly 198 nysanǵa kúrdeli jóndeý júrgizilip, kompıýterlik tehnıkasy jańartylyp, modernızatsııadan ótken bolatyn.

«Biz balalarymyzdyń oqýy men damýy úshin jaqsy jaǵdaı jasaýǵa tyrysamyz. Mektepke deıingi uıymdardyń renovatsııasy – bul ár balanyń bolashaǵyn jarqyn, tabysty etýge salynǵan ınvestıtsııa», - deıdi mektepke deıingi bilim berý departamentiniń dırektory Manar Adamova.

Budan basqa, elimizde jańadan balabaqshalar ashylyp, jelisi keńeıip keledi. Sońǵy 3 jylda mektepke deıingi uıymdardyń jelisi 801 nysanǵa kóbeıdi. Al sońǵy bes jylda balabaqshalarǵa kezektilik eki esege kemidi, osylaısha 2-6 jastaǵy balalardy mektepke deıingi uıymdarmen qamtý 91%-dy qurady. Osy jyly bul kórsetkishti 92,5%-ǵa jetkizý kózdelip otyr.