Bıyl 226 jolaýshylar vagony satyp alynady

ASTANA. KAZINFORM – Bıyl 226 jolaýshylar vagony satyp alynady. Bul týraly Kólik mınıstrliginiń Temirjol jáne sý kóligi komıteti tóraǵasynyń orynbasary Nurjan Kelbuǵanov aıtty.

- Bıyl jolaýshylardyń jaılylyǵy men tasymal sapasyn arttyrý úshin 226 jańa vagon satyp alynady. Vagondar otandyq ZIKSTO zaýyty men Shtadler kompanııasynda óndiriledi. Atalǵan jyly vagondar 13 baǵyt boıynsha qatynaıdy, - dedi ol Ortalyq kommýnıkatsııalar qyzmetindegi brıfıngte.

Onyń dereginshe, myna baǵyttardaǵy poıyzdar jańa vagondarmen qamtamasyz etiledi:

- Almaty-2 – Óskemen;

- Pavlodar – Presnogorkovsk;

- Astana – Semeı;

- Astana – Qyzyltý – Petropavl;

- Almaty – Semeı;

- Almaty – Dostyq;

- Qaraǵandy – Astana;

- Ereımentaý – Astana;

- Almaty – Novosibir;

- Qaraǵandy – Omby;

- Almaty – Máskeý;

- Almaty – Qazan;

- Astana – Dostyq.

- Jańa vagondar kondıtsıoner, Wi-Fi, zamanaýı dárethanalar, keńeıtilgen júk sóreleri, qaýipsizdik júıelerimen qamtamasyz etiledi. Sondaı-aq erekshe sanattaǵy jolaýshylarǵa yńǵaıly jaǵdaı jasalady. Aıta keterligi, byltyr osy maqsatta 143 jańa vagon satyp alynǵan edi. Al negizinen 2029 jylǵa deıin otandyq vagon parkin 1 000 vagonǵa deıin jańartý josparda bar, - dedi komıtet tóraǵasynyń orynbasary.

Nurjan Kelbuǵanovtyń aıtýynsha, suranystyń kóbeıýýine baılanysty jolaýshylar tasymaly jyldan jylǵa ósip keledi, 2024 jyldyń qortyndysynda 2023 jylǵa qaraǵanda bul kórsetkish 5,6 paıyzǵa ósip, 20,8 mln jolaýshyǵa jetti.

- 2025 jyly osy kórsetkishti 1 mln jolaýshyǵa arttyryp, jolaýshylar sanyn 21,8 mln-ǵa jetkizý josparlanǵan, - dedi ol.

Elimiz shveıtsarııalyq vagondardyń bireýin 1,18 mlrd teńgeden satyp alatyny týraly jazdyq.