Bıyl 22 jekemenshik mektep lıtsenzııasynan aıyryldy
ASTANA. KAZINFORM — Ortalyq kommýnıkatsııalar qyzmeti alańynda ótken brıfıngte Oqý-aǵartý mınıstrliginiń Bilim salasy sapasyn qamtamasyz etý komıteti basqarmasynyń basshysy Rıshat Ramazanov jekemenshik mektepterge júrgizilip jatqan baqylaý sharalary týraly málim etti.
Onyń aıtýynsha, sońǵy jyldary jekemenshik mektepterge qatysty lıtsenzııadan aıyrý jaǵdaılarynyń sany artyp keledi.
— Bıyldyń ózinde 22 jekemenshik mektep lıtsenzııasynan aıyryldy. Negizgi sebepteri — bilim berý standarttaryn oryndamaý jáne bilim salasyndaǵy zańnamalyq talaptarǵa sáıkes kelmeý, — dep jaýap berdi Rıshat Ramazanov jýrnalıster suraǵyna.
Ol sondaı-aq birqatar bilim berý uıymyna qatysty Ákimshilik quqyq buzýshylyq týraly kodekstiń 463 jáne 464-baptary boıynsha ister qozǵalyp, materıaldardyń sotqa joldanǵanyn atap ótti.
Aıta keteıik, jekemenshik mektepterdi qarjylandyrý júıesi jańartylyp jatyr.
Sonymen qatar jekemenshik mektepterdi qarjylandyrý boıynsha anyqtalǵan zańbuzýshylyqtar 13 mlrd teńgeden asty.
