Bıyl 19 myńnan astam jol-kólik oqıǵasy tirkeldi

ASTANA. KAZINFORM – Bıylǵy 9 aıda elimizde jol apatynan 1,7 myń adam mert boldy. Bul týraly QR Іshki ister mınıstrliginiń baspasóz qyzmeti málim etti.

«2024 jyldyń 9 aıynda elimizde 19 myńnan astam jol-kólik oqıǵasy tirkelip, 1,7 myńnan astam adam qaza tapty, 25 myńǵa jýyq adam túrli dene jaraqatyn aldy», - delingen ІІM baspasóz qyzmetiniń Kazinform agenttigine bergen jaýabynda.

Vedomstvo málimetine qaraǵanda, elimizde jol-kólik oqıǵalarynyń kóbi Almaty, Astana qalalarynda, sondaı-aq Almaty, Jambyl oblystarynda tirkelgen.

Buǵan deıin osy jyldyń 7 aıynda mopedterge qatysty 700-den astam jol-kólik oqıǵasy tirkelgenin jazǵan edik. 

Aıta keteıik, jeltoqsan aıynan bastap kólikterdiń ortasha jyldamdyǵy esepke alynady.