Bıyl 18-ge tolatyn balalarǵa Ulttyq qordan 30,6 mln dollar bólindi

ASTANA. KAZINFORM — Ulttyq bank basqarma tóraǵasynyń orynbasary Aqyljan Baımaǵambetov «Ulttyq qor — balalarǵa» jobasy aıasynda bıyl 18-ge tolatyn balalarǵa qansha aqsha aýdarylǵanyn aıtty.

«Ulttyq qor — balalarǵa» jobasy aıasynda baǵdarlama operatory sanalatyn Biryńǵaı jınaqtaýshy zeınetaqy qory Ádilet mınıstrliginiń derekter bazasymen balalardyń jalpy sanyn salystyryp tekserdi. Barlyq balaǵa valıýtalyq shot ashyldy. Ómirge jańa kelgen balaǵa shot ashý protsesi avtomattandyryldy. Jyl saıyn qarajat aýdarý mehanızmi ázirlendi. Bıyl barlyq balanyń shotyna 696 mln dollar esepteldi. Osy jyly baǵdarlama operatorynyń (Biryńǵaı jınaqtaýshy zeınetaqy qorynyń) shotyna 2024 jyly kámelet jasyna tolatyn balalarǵa 30,6 mln dollar aýdaryldy», — dedi ol.

Aqyljan Baımaǵambetov Biryńǵaı jınaqtaýshy zeınetaqy qorynyń aktıvteri oń dınamıkany kórsetip turǵanyn atap ótti.

«Ol kórsetkish qańtar aıynda 18,1 trln teńgege deıin, 1,5% ósti. Jyl basynan ınvestıtsııalyq tabys kólemi 112,6 mlrd teńge boldy. Zeınetaqy jarnasy 186,9 mlrd teńge, al jarnany merziminen buryn alý somasy 34 mlrd teńge boldy», — dedi Ulttyq basshysynyń orynbasary.