Bıyl 12 sport nysany salynady
ASTANA. KAZINFORM – Týrızm jáne sport mınıstrligi el aýmaǵynda sport ınfraqurylymyn damytý baǵytyndaǵy júıeli jumysyn jalǵastyryp keledi. Bıyl respýblıka boıynsha 121 sport nysanyn paıdalanýǵa berý josparlanyp otyr.
Máselen bıyl Taraz qalasynyń Uly Dala shaǵyn aýdanynda dene shynyqtyrý-saýyqtyrý kesheni, Qyzylorda qalasynda «Qyzylorda Arena» sport kesheni, Jańaózen qalasynda 160 oryndyq dene shynyqtyrý-saýyqtyrý kesheni paıdalanýǵa beriledi.
Sonymen qatar Astanada Qajymuqan Muńaıtpasov atyndaǵy stadıonnyń qurylysy aıaqtalady dep kútilýde. Nysandy paıdalanýǵa berý merzimi – 2026 jyldyń birinshi toqsany. Al Almaty qalasynda Medeý muz aıdynyn qaıta jańǵyrtý jumystary josparǵa sáıkes júrgizilip jatyr.
Bul jobalar halyqtyń buqaralyq sportpen aınalysýyna qolaıly jaǵdaı jasap, kásibı sportty damytýǵa serpin berýge baǵyttalǵan.
Aıta keteıik, 2025 jyly elimizde 147 sport nysany paıdalanýǵa berilgen.
Atalǵan nysandardyń 100-den astamy aýyldyq jerlerde, al 40-qa jýyǵy qalalyq aımaqta salyndy.
Іri jobalar qatarynda Túrkistan qalasyndaǵy eskek esý arnasy men Qyzylordadaǵy «Qaısar Arena» stadıony bar.
Aıta ketelik Olga Rypakovanyń júldesine arnalǵan XI halyqaralyq týrnır ótedi.