Bıyl 102 myń adam sýbsıdııalanatyn jumys ornyna ornalasady

ASTANA. KAZINFORM — Bıyl 102 myń adam sýbsıdııalanatyn jumys ornyna ornalasady. Bul týraly Májilis depýtattarynyń saýalyna Premer-mınıstrdiń orynbasary — Mádenıet jáne aqparat mınıstri Aıda Balaevanyń jaýabynda aıtylǵan. 

— 2026 jyly sýbsıdııalanatyn jumys oryndaryna respýblıka boıynsha 102 myń adam jumysqa ornalasady dep kútilýde. Onyń ishinde 55 myń adam qoǵamdyq jumystarǵa jiberiletin bolady. Elektrondyq eńbek bırjasynda jumys berýshilerden sýbsıdııalanatyn jumys oryndaryn uıymdastyrýǵa respýblıka boıynsha 38,4 myń jumys berýshiden barlyǵy 236 myń ótinimder tústi, — dedi ol.

Vıtse-premerdiń aıtýynsha, Eńbek utqyrlyǵy ortalyqtary 75,6 myń jumys ornyn maquldady, onyń 34 myń jumys orny 2 227 aýyldyq okrýg pen kentterde qurylady.

— 2026 jylǵy 23 aqpandaǵy jaǵdaı boıynsha sýbsıdııalanatyn jumys oryndaryna 35,1 myń adam jiberildi, onyń ishinde 24,7 myńy — aýyl turǵyndary. Qazirgi ýaqytta Eńbek jáne halyqty áleýmettik qorǵaý mınıstrligi úkimettik emes uıymdardyń, jergilikti atqarýshy organdardyń ókilderimen birlesip, aýyl turǵyndary jáne múgedektigi bar adamdar úshin sýbsıdııalanatyn jumys oryndaryn uıymdastyrý qaǵıdalarynyń erejelerin qaıta qarastyryp jatyr, — dedi Aıda Balaeva.

Buǵan deıin sýbsıdııalanatyn jumys oryndaryn uıymdastyrý qaǵıdalaryna engizilgen ózgerister nelikten toqtatylǵanyn jazǵan edik.