Bıyl 1 mln-ǵa jýyq shetel azamaty Qazaqstanǵa kelýge ótinish bergen

ASTANA. KAZINFORM — Qazaqstanǵa 87 eldiń azamattary vızasyz kele alady. Bul týraly Іshki ister mınıstriniń birinshi orynbasary Baýyrjan Álenov málim etti. 

— Іshki ister mınıstrligi kóshi-qon baqylaýyn qamtamasyz etý sharalaryn qabyldanyp jatyr. Jalpy, qazir shetel azamattaryna qolaıly jaǵdaı jasalǵan. Olardyń elge kirý men elde bolý rásimderi jeńildetildi. Elimizge 87 memlekettiń azamattary vızasyz kire alady, — dedi Baýyrjan Álenov Úkimet otyrysynda.

Mınıstrdiń birin orynbasarynyń málimdeýinshe, elektrondyq vıza 107 eldiń azamattaryna vıza beriledi.

— 2020 jyldan beri Qazaqstanǵa keletin sheteldikter ýaqytsha tirkeýden bosatyldy, buryn 5 kún ishinde esepke turatyn. Qazir shetel azamattarynyń kelgeni týraly qabyldaýshy tarap habarlaýǵa mindetti («E-Qonaq» qosymsha arqyly). Bıyl 900 myńnan astam ótinish tústi. Tirkeý tártibin saqtamaǵany úshin 14 800 adam jaýapkershilikke tartyldy. Osy oraıda polıtsııa shetel azamattaryna túsindirý jumystaryn júrgizip jatyr, — deıdi vedomstvo ókili.

Eske salsaq, elimizde demografııa jáne kóshi-qon salasyn retteıtin memlekettik organ qurý usynylǵan edi.