Bıiktikten qulaǵan qurylysshy basynyń jartysynan aıyryldy - FOTO/VIDEO
ASTANA. QazAqparat - Rýmynııa turǵyny basynyń jartysynan aıyrylyp otyr. Elvıs Romeo Lıngýrar esimdi azamat orman ishinde jumys jasap júrip, aǵashtan qulaǵan. Tsementke qulaǵan ol bas súıegin qatty zaqymdaǵan. Ómirin qutqaryp qalý úshin dárigerler onyń basynyń sol jaqtaǵy súıegin alyp tastýǵa májbúr boldy, dep jazady sheteldik BAQ.
Qaıǵyly oqıǵa osydan bir jyl buryn bolǵan. Lıngýrar qulaǵannan keıin birneshe kún es-tússiz jatqan. Dárigerler onyń basynan dákeni sheshken kezde ǵana ol basynyń qandaı jaǵdaıda ekenin kórgen. Onyń súıeksiz basyn tek juqa teri qabaty ǵana qorǵap tur, kez kelgen soqqy ólimge alyp kelýi múmkin. Alynyp tastalǵan bas súıeginiń ornyna protez de salýǵa bolady. Alaıda bundaı ota jasaýǵa qurylysshynyń jaǵdaıy joq. Lıngýrardyń hıkaıasy Aleks Prýnean esimdi jýrnalısti qyzyqtyrǵan. Ol bul oqıǵany BAQ-ta jarııalaý arqyly qurylysshyǵa ota jasaýǵa qajetti 900 fýntty jınap bere alatynyna senimdi.
