Bıiktigi 60 metrlik jartastan djıp kóligimen aýdarylǵan qyz aman qaldy
ASTANA. QazAqparat - AQSh-tyń Kalıfornııa shtatynda djıpti júrgizip kele jatqan 23 jastaǵy qyz teńiz jaǵalaýyndaǵy quzdan qulaǵan. Júrgizýshi bir aptadan keıin tiri tabyldy, dep habarlaıdy bbc.com.
Anjela Ernandes jaqyn mańda aǵyp jatqan bulaqtan aýyz sý alyp ishý úshin avtokóliktiń radıatorynyń qubyrshegin paıdalanǵan.
6 shilde kúni qyzdyń týystary onyń joǵalǵany týraly habar taratqan. Olardyń aıtýynsha, Anjela avtokóligimen Portlendtten Los-Andjeleske ápkesiniń úıine qaraı qonaqqa attanǵan. Jolda kele jatqan kezde habarlama jiberip otyrǵan. Birazdan soń úzdiksiz kelip otyrǵan sms-ter aıaqasty toqtap qalyp, qońyraýlarǵa da jaýap bermegen. Qyzdyń týystary dereý dabyl qaǵyp, ony izdestire bastaıdy, alaıda qalyń tumannyń kesirinen kedergiler týyndaǵan.
Tek 13 shilde kúni Anjelany sol mańaıda saıahattap júrgen erli-zaıyptylar taýyp alǵan. Týrıster aldymen Bıg-Sıýr aýdanyndaǵy alpys metrlik jartastyń eteginde jartylaı sýǵa batyp ketken Jeep Patriot kóligin baıqaǵan. Zardap shekken qyz avtokóliktiń ishinen shyǵyp, tas kesekteriniń artynda jatqan.
Anjela Ernandes esin bilgenimen, ıyǵyn jaraqattap alǵan. Sondaı-aq, onyń mıy shaıqalǵany anyqtaldy.
