Bıikten qulaǵan tsırk akrobaty kóz jumdy
ASTANA. QazAqparat - Qalmaq Respýblıkasynyń astanasy Elıstadaǵy Mstıslav Zapashnyı tsırkiniń bıikten qulaǵan akrobaty Anton Martynov qaıtys boldy, dep habarlaıdy QazAqparat tsırktiń áleýmettik paraqshasyna silteme jasap.
Anton Martynov 24 aqpan kúni Elıstadaǵy «Oırat-arenada» óner kórsetip jatqanda 5-6 metr bıikten qulap ketken bolatyn. Aldyn ala málimetter boıynsha, jazataıym oqıǵaǵa qaıystyń karabınnen shyǵyp ketýi sebep bolǵan.
Buǵan deıin akrobattyń jaǵdaıy aýyr degen aqparat taraǵan. Dondaǵy Rostov aýrýhanalarynyń birine alyp keterdiń aldynda Martynovtyń júregi soǵýyn toqtatqan.
Oqıǵaǵa qatysty RF tergeý komıtetiniń Qalmaqııa boıynsha tergeý basqarmasy protsestik tekseris júrgizip jatyr.
