Bıik úılerdi janaı ótken áskerı ushaq jurtty shoshytty
ASTANA. QazAqparat - Aýstralııadaǵy Brısben qalasynyń turǵyndaryn týra terezeleriniń aldynan Boeing C-17 áskerı júk ushaǵynyń janaı ótýi qatty úreılendirdi. Jurttyń kópshiligi 2001 jylǵy teraktini eske alyp, polıtsııaǵa jappaı qońyraý shala bastaǵan, dep habarlaıdy Daily Mail.
Áleýmettik jelige salynǵan vıdeodan áskerı «Boıngtiń» turǵyn úılerdiń arasynda manevr jasap, kez kelgen sátte bıik úılerdiń birine soqtyǵysý qaýpin týyndatqany baıqalady. Óte qorqynyshty kórinister.
Anyqtala kele, bul áskerı ushaqtyń qaýipti manevri jyl saıyn dástúrli túrde áýe avıatsııalyq shoýmen aıaqtalatyn Riverfire mádenı festıvaline arnalǵandyǵy anyqtaldy.
Degenmen Brısben qalasynyń turǵyndary tap úıleriniń mańynda ótken bul merekege daıyn bolmaı shyqty.
Jurtty dúrliktirgen oqys oqıǵadan eshkim zardap shekken joq, biraq ınternet paıdalanýshylar ózderiniń jergilikti áskerı-áýe kúshterine degen ashý-yzalaryn jazyp-aq jatyr.
