Bıik óksheli aıaq kıimniń densaýlyqqa keltirer zardaby bar
ASTANA. QazAqparat - Dárigerler bıik óksheli aıaq kıimderdiń kesirinen adam aýrýǵa shaldyǵýy múmkin ekenin eskertedi. Bul dert Morton nevromasy dep atalady. Buǵan shaldyqqan adamnyń tabany jalpaıyp, aıaǵynyń ár bóligi jansyrap, keı tustarynyń terisi qajalyp mazasyzdyq týdyrady.
Bul týraly Rosbalt jazady.
Meddaily-diń jazýynsha, sońǵy 10 jylda Morton nevromasyna shaldyqqandardyń sany eki ese ósken. Zertteýshiler buny bıik óksheli aıaq kıimderdiń jáne oǵan qumar adamdardyń kóbeıýinen kórip otyr.
