Bıik beleske bastaıtyn jol
ASTANA. QazAqparat - «Taraz» komandasynyń oıynshysy Nursultan Turlyǵulov bala kezden fýtbolshy bolýdy armandady.
Respýblıkalyq «Soca-Cola Bylǵary dop» balalar men jasóspirimder týrnırindegi jeńisi onyń ózine degen senimin nyǵaıta tústi. Ol osy joldy beker tańdamapty.
Óz úıinde aıaǵynyń ushymen júretin Nursultan Turlyǵulov momaqan, tym jýas bolyp ósken. Ákesi odan tamasha bıshi shyǵatynyn aıtyp, qaljyńdaǵanda Nursultan onymen ishteı kelispeıtin. Óıtkeni syrtqa shyqsa boldy, dostarymen dop qýyp ketedi.Balasynyń qulshynysyn bilgen ata-anasy ony sport úıirmesine jazdyrdy. Qorǵanysta da, shabýylda da sheber qımyldaıtyn Nursultan bapkerlerdiń kózine birden túsken. Odan jaqsy fýtbolshy shyǵatynyna eshkimniń kúmáni bolmaǵan.
«Soca-Cola Bylǵary dop» týrnırine qatysý Nursultan Turlyǵulovtyń ómirin kúrt ózgertti. Merki aýdany ortalyǵyndaǵy №17-mektep komandasynyń quramynda ol 2013 jyly bas kýbokty utyp alyp, Ońtústik Afrıka Respýblıkasynda ótetin álemniń shaǵyn chempıonatyna joldama aldy.
«Iohannesbýrgke kelgen soń balalar ataqty FNB stadıonyn kórip, jergilikti Dısneılendke bardy. Chempıonat kóńilden shyqty. Tóreshiler eshkimge bura tartqan joq. Nursultan Turlyǵulovtyń ózge elderden kelgen balalarǵa qazaq tilin úıretkeni esimde qalypty», - dep eske alady bapker Marat Ábdirazaqov.
Elge oralǵannan keıin Nursultannyń ala dopqa degen qulshynysy arta túsken. Tynbaı jattyǵyp, aqyry «Taraz» klýbyna shaqyrtý aldy.
«Coca-Cola Bylǵary dop» týrnıri onjyldyq mereıtoıyn atap ótti. Osy jyldary oǵan Qazaqstannyń túrli aımaǵynan mıllıonnan astam jasóspirim atsalysty. Jarystyń jańa maýsymy bastaldy. Bizdiń qatarǵa qosylyńyzdar. Bálkim, dál sizdiń komanda týrnırdiń bas kýbogyn jeńip alar», - deıdi Coca-Cola kompanııasynyń Qazaqstandaǵy ókildiginiń basshysy Kamran Iskanderov.
