Bıgeldi Ǵabdýllınge qatysty is sotqa jiberildi
«Qazirgi ýaqytta B.Ǵabdýllınge qatysty sotqa deıingi óndiris aıaqtaldy jáne is júzinde qaralý úshin Astana qalalyq qylmystyq ister jónindegi mamandandyrylǵan aýdanaralyq sotqa jiberildi», - dep málim etti QazAqparattyń resmı saýalyna oraı Astana qalalyq prokýratýrasynan.
Esterińige sala keteıik, ótken jyldyń 16 qarashasynda Astana qalasy Almaty aýdandyq №2 sotynyń sanktsııasymen Bıgeldi Ǵabdýllın tutqynǵa alynǵan bolatyn.
Ǵabdýllın «Central Asia Monitor» jáne «Radiotochka.kz» buqaralyq aqparat quraldarynyń paıdasyna bıýdjettik qarjyny alý úshin bopsalaý áreketine bardy dep aıyptalǵan bolatyn. Ol óz quzyryndaǵy buqaralyq aqparat quraldaryn paıdalanyp, memlekettik organ jetekshileriniń iskerlik abyroıyna nuqsan keletin materıaldardy jarııalaý arqyly olarǵa aqparattyq shabýyl jasaǵan. Aldaǵy ýaqytta synaýdy toqtatý úshin Ǵadbýllın laýazymdy tulǵalardan óz medıa resýrstaryna memlekettik tapsyrystar talap etken. Olar óz kezeginde Ǵabdýlınniń kompanııasyn qolpashtap, memlekettik satyp alýlar týraly kelisimsharttar bekitýdi qamtamasyz etken. Osydan keıin ǵana olardyń qyzmeti týraly tek jaǵymdy materıaldar jarııalanyp otyrǵan. Máselen, Jambyl oblysy ákimdiginen Ǵabdýllın 10 mıllıon teńge kólemindegi qarajat bopsalaǵan. Dál osy shemamen 7 memlekettik organ Ǵabdýllınge memlekettik tapsyrys alyp bergen.