«Bıg Bon» kespesiniń ishinen gashısh shyqty
ASTANA. 20 qańtar. QazAqparat - Astana turǵyny esirtki zatyn «Bıg Bon» kespesiniń dámdeýishter paketine salyp, ony tergeý ızolıatoryndaǵy sottalýshyǵa berip jibermekshi bolǵan, dep habarlady QR Іshki ister mınıstrliginiń Qylmystyq-atqarý júıesi komıtetiniń baspasóz qyzmetinen.
Muqııat tekserýdiń nátıjesinde azyq-túlik taǵamdarynyń arasyndaǵy «Bıg Bon» kespesiniń dámdeýish salynǵan úsh paketinen esirtki zaty tabyldy. Sot-hımııalyq saraptama tárkilengen zattyń jalpy salmaǵy 100 gramǵa jýyq gashısh ekenin kórsetti. Atalǵan fakti boıynsha materıaldar qylmystyq tergeý organdaryna jiberildi. Baspasóz qyzmetiniń málimetteri boıynsha, Qazaqstanda 2013 jyly sottalǵandarǵa 37 kelgige jýyq esirtki tasymaldaýdyń aldy alyndy.
