Bıg Benniń ataýy ІІ Elızavetanyń qurmetine aýystyryldy
ASTANA. 13 qyrkúıek. QazAqparat - Londondaǵy álemge áıgili Bıg Ben saǵatynyń ataýy patshaıym ІІ Elızavetanyń taqta otyrǵanyna
60 jyl tolý mereıtoıyna oraı «Elızaveta munarasy» bolyp resmı túrde aýystyryldy. Bul týraly RIA Jańalyqtar habarlady.
Resmı is-shara Parlament músheleriniń qatysýymen 12 qyrkúıek kúni ótti.
Eske salaıyq, aǵymdaǵy jylǵy maýsymnyń sońynda Qoǵam palatasy komıssııasy ІІ Elızavetanyń taqta otyrǵanyna 60 jyl tolýyna arnalǵan mereıtoıdy este qaldyrý maqsatynda saǵat munarasyn «Elızaveta munarasy» ataýyna ózgertý týraly usynysty maquldaǵan bolatyn.
16 maýsym kúni Londonda ІІ Elızavetanyń týǵan kúnine oraı dástúrli sherý ótti. Ol Ulybrıtanııa tarıhynda el basqarýynda 60 jyl otyrǵan ekinshi monarh boldy.
Bıg Ben saǵat munarasy - Vestmınstersk saraıynyń bir bóligi. Jerden 55 metr bıiktikte ornalasqan saǵat álemdegi eń bıik sanalady.
