Bıdaı baǵasy ósip kele jatyr - Ómirzaq Shókeev

ASTANA. QazAqparat - Búgin QR Parlamenti palatalarynyń birlesken otyrysynda QR Úkimet basshysynyń orynbasary - Aýyl sharýashylyǵy mınıstri Ómirzaq Shókeev astyq naryǵynda týyndaǵan problemaǵa túsinik berdi, dep habarlaıdy QazAqparat tilshisi.

«Byltyr jeltoqsan aıynyń aıaǵynda bıdaı naryǵynda óte kúrdeli jaǵdaı qalyptasty. Baǵa tómen túsip ketti, ıaǵnı (tonnasy - avt.) 35 myń teńgege deıin. Sonymen qatar vagondar jetispedi, osy oraıda tıisti deńgeıde qarbasal bastaldy. Sondyqtan mınıstrlik tarapynan Úkimetke tıisti ótinim jasadyq. Bul turǵyda bizge rezervten qarjy bólinip, bıdaıdy 42 myń teńgeden satyp alýǵa múmkindik berý eskerildi. Úkimet 27 jeltoqsanda qaýly qabyldady jáne 29-y kúni osy qarjy kelip tústi», - dep atap ótti Ó. Shókeev.

Osy oraıda ol qańtar aıynda bıdaı satyp alynǵanyn, naryqtaǵy jaǵdaı turaqtala bastaǵanyn jetkizdi.

«Kóptegen dıqandar problemalaryn sheship, qaryzdarynan qutyldy. Sáıkesinshe, fermerler kóktemgi egis naýqanyna daıyndalýyn bastap ketti. Qazir Azyq-túlik korporatsııasy sol 42 myń teńgeden satyp alynǵan bıdaıǵa qatysty 47 myń teńgeniń sharttaryn jasap, satyp jatyr. Búginde astyq baǵasy kóterilip keledi. Sondyqtan bul tıimdi sheshim boldy dep oılaımyn», - dedi Ómirzaq Shókeev.