Bıbisara Asaýbaeva júlde qory 750 myń dollar bolatyn sýpertýrnırge qatysady
ASTANA. KAZINFORM – Qazaqstandyq shahmatshy Bıbisara Asaýbaeva Vengrııa astanasy Býdapeshtte ótetin Total Chess World Championship Tour Pilot 2026 halyqaralyq sýpertýrnırine qatysady, dep habarlaıdy Sports.kz.
Shahmatshy aldaǵy jospary týraly áleýmettik jelidegi paraqshasynda málimdedi.
– Arǵy kúni jolǵa shyǵamyn. Aldymen Almatyǵa baryp, onda nebári 10-15 saǵat aıaldaımyn. Sodan keıin Býdapeshtke ushamyn, óıtkeni jaqynda Total Chess týrnıri bastalady. Bul joly jańa ortaǵa beıimdelýim qıyn bolyp jatyr. Óte kóp uıyqtasam da, uıqym qanbaıdy, – dedi Bıbisara Asaýbaeva.
Total Chess World Championship Tour Pilot 2026 – shahmattyń úsh túrin biriktiretin jańa kommertsııalyq sýpertýrnır. Jarys álemdegi eń ámbebap grossmeısterdi anyqtaýǵa baǵyttalǵan.
Qatysýshylar jyldamdatylǵan klassıkalyq shahmat (45+30), rapıd jáne blıts boıynsha synǵa túsedi.
Týrnır 10-21 qarasha aralyǵynda Býdapesht qalasynda ótedi. Oǵan erler men áıelder sanatyna bólinbeıtin jalpy esepte 24 grossmeıster qatysady.
Olardyń qatarynda álemdik reıtıng kóshbasshysy Magnýs Karlsen, Fabıano Karýana, ıAn Nepomnıaşıı, Nodırbek Abdýsattorov, Alıreza Fırýzdja, Rameshbabý Pragnanandha jáne Bıbisara Asaýbaeva bar.
Jarystyń jalpy júlde qory 750 myń dollardy quraıdy. Al týrnır jeńimpazy 80 myń dollar syıaqy alady.
Aıta keteıik, buǵan deıin Bıbisara Asaýbaeva Úndistanda ótken, júlde qory 1 mln dollar bolatyn Tech Mahindra Global Chess League halyqaralyq týrnırine qatysqan edi.
