Bıbisara Asaýbaeva júlde qory 1 mln dollar bolatyn týrnırde óner kórsetedi
ASTANA. KAZINFORM – Qazaqstandyq shahmatshy Bıbisara Asaýbaeva Úndistannyń Bangalor qalasynda ótetin Tech Mahindra Global Chess League bedeldi komandalyq týrnırine qatysady, dep habarlaıdy Sports.kz.
Qazaqstan quramasynyń kóshbasshysy áleýmettik jelide ózi óner kórsetetin FYERS American Gambits komandasynyń fotosessııasynan sýretter jarııalady.
Komanda quramynda Asaýbaevamen birge ózbekstandyq grossmeıster Javohır Sındarov, reseılik Danııl Dýbov, úndistandyq Nıhal Sarın, ırandyq Sara Hadem jáne frantsýz Mark-Andrıa Maýrıtstsı bar. Shahmatshylar týrnır kezinde kıetin komandalyq formasyn da tanystyrdy.
– Búgingi túsirilim aıaqtaldy. Erteń taǵy bireýi bar. Akklımatızatsııaǵa kelsek, AQSh-taǵydan da aýyr ótip jatyr. Túnde durys uıyqtaı almaımyn, al kúndiz qatty uıqym keledi, – dep jazdy Bıbisara Asaýbaeva.
Tech Mahindra Global Chess League týrnıri 5-13 qyrkúıek aralyǵynda ótedi.
FYERS American Gambits komandasyna bes ujym qarsylas bolady. Olardyń qatarynda Magnýs Karlsen óner kórsetetin Alpine APL Pipers, Vıshvanatan Anandtyń PBG Alaskan Knights, ıAn Nepomnıaşııdiń Ganges Grandmasters, Alıreza Fırýzdja qatysatyn Triveni Continental Kings jáne Maksım Vashe-Lagravtyń Airlearn Mumba Masters komandalary bar.
Jarystyń jalpy júlde qory 1 mln AQSh dollaryn quraıdy.
Aıta keteıik, Bıbisara Asaýbaeva FIDE reıtıngindegi ornyn saqtap qaldy.
