Bıbisara Asaýbaeva Norway Chess Women 2026 týrnırinde álem chempıonyn jeńdi
ASTANA. KAZINFORM — Qazaqstandyq shahmatshy Bıbisara Asaýbaeva Norway Chess Women 2026 týrnıriniń tórtinshi raýndtaǵy kezdesýin sátti aıaqtady.
Qazaqstandyq sportshynyń qarsylasy álem chempıony Tszıýı Ventszıýn boldy.
Negizgi oıyn teń aıaqtaldy, sodan keıin jeńimpaz armageddonda anyqtaldy.
Qosymsha oıynda Asaýbaeva aq túspen oınap, 6 mınýt 23 sekýndta jeńiske jetti.
Týrnır qorytyndysy boıynsha ol 1,5 upaı jınap, jalpy nátıjesin 7 upaıǵa deıin jetkizdi.
Tórt týrdan keıin qazaqstandyq shahmatshy Norway Chess Women-2026 týrnır kestesinde kósh bastap tur.
Búǵan deıin Asaýbaeva álemdik elıtadaǵy úzdik jetilik qataryndaǵy ornyn saqtap qalǵanyn jazdyq.
