Bıbisara Asaýbaeva Kıprdegi týrnırde kósh basynda keledi
ASTANA. KAZINFORM - Kıprdiń Pafos qalasy mańyndaǵy kýrorttyq Peııa eldi mekeninde ótip jatqan FIDE-niń shahmat táji úshin týrnırinde otandasymyz Bıbisara Asaýbaeva kósh basynda keledi.
Qazaqstandyq sportshy sońǵy kezdesýinde qytaılyq Tan Chjýnı men sheberlik baıqasty. Qytaılyq shahmatshy álemdegi myqty grossmeıster qatarynda sanalady. Ol álem chempıony ataǵyn jeńip alǵan.
Kezdesý barysynda qos qarsylas jeńiske jetýge bar kúshin saldy. Soǵan qaramastan olar teń nátıjege qanaǵat bildirdi.
Bul týrnırge shahmattaǵy tanymal sportshylar keldi. Olardyń qatarynda qytaılyq Chjý Tsziner, beıtarap eldiń ókilderi Aleksandra Gorıachkına, Katerına Lagno, ýkraınalyq Anna Mýzychýk, Katerına Lagno, úndistandyq Dıvıa Deshmýh, Vaıshalı Rameshbabý bar.
Otandasymyz 2,5 upaımen kósh basynda keledi. 2004 jylǵy 26 aqpanda dúnıege kelgen Bıbisara Asaýbaeva byltyr grossmeıster ataǵyn alsa, 2020 jyly halyqaralyq sheber boldy. Al 2019 jyly áıelder arasyndaǵy grossmeıster (mártebesin ıelendi.
Bıbisara shahmatpen 4 jasynan bastap aınalysady. 2011 jyly 8 jasqa deıingiler arasynda álem chempıony atandy. Qazirge deıin ol blıts boıynsha úsh márte álem chempıony (2021, 2022, 2025) bolsa, rapıd boıynsha 2021 jyly álem chempıonatynda ekinshi oryn aldy.
Sondaı-aq odan ózge kóptegen jarysta joǵary nátıjege qol jetkizdi.
Bul jarys 29 naýryzda bastalyp, endi 15 sáýirde máresine jetedi.