Bıbisara Asaýbaeva FIDE reıtınginde eń jaqyn qarsylasynan 20 upaıǵa jýyq alda keledi
ASTANA. KAZINFORM — Qazaqstandyq shahmatshy Bıbisara Asaýbaeva FIDE Women’s Circuit 2026-2027 týrnırlik serııasynyń kóshin bastap keledi. Ol óz kórsetkishin 51,30-dan 59,76 upaıǵa deıin arttyryp, eń jaqyn qarsylasynan 20 upaıǵa jýyq alǵa shyqty.
FIDE áıelder arasyndaǵy Women’s Circuit 2026-2027 jarysynyń jańartylǵan kestesin jarııalady. Onda qazaqstandyq shahmatshy Bıbisara Asaýbaeva birinshi orynda tur.
21 tamyzdaǵy jaǵdaı boıynsha kóshbasshylar úshtigi ózgergen joq. Asaýbaeva 59,76 upaımen birinshi orynda keledi. Ekinshi orynda Qytaı ókili Chjý Tszıner — 39,83 upaı. Úshinshi orynda úndistandyq shahmatshy Vaıshalı Rameshbabý — 29,70 upaı.
Osylaısha, Bıbisara Asaýbaeva óz kórsetkishin 51,30 upaıdan 59,76 upaıǵa deıin jaqsartty. Qazaqstandyq shahmatshynyń eń jaqyn qarsylasynan basymdyǵy qazir 20 upaıǵa jýyq.
Tórtinshi orynda Qytaı shahmatshysy Tan Chjýnı 26,58 upaımen tur. Úzdik bestikke Úndistan ókili Harıka Dronavallı de endi — 20,55 upaı.
Erler arasyndaǵy esepte Ózbekstan shahmatshysy Djavohır Sındarov kósh bastap keledi.
Aıta keteıik, buǵan deıin Bıbisara Asaýbaeva AQSh-ta ótken Cairns Cup sýpertýrnırinde qola medal jeńip alǵan edi.
Eske salaıyq, onyń aldynda Cairns Cup-2026 sýpertýrnırine qatysyp jatqan shahmatshylar «Armageddon» kezeńindegi eń qıyn qarsylasyn atady. Olardyń tórteýi de qazaqstandyq shahmatshy Bıbisara Asaýbaevany nusqaǵanyn jazǵanbyz.
