Bıbisara Asaýbaeva FIDE Excellence Awards syılyǵyna úmitker
ASTANA.KAZINFORM - Qazaq shahmatshysy Bıbisara Asaýbaeva Halyqaralyq shahmat federatsııasy (FIDE) belgilegen alǵashqy FIDE Excellence Awards syılyǵyna úmitker retinde tirkeldi.
22 jastaǵy sportshy «Úzdik shahmatshy» sanatynda usynyldy.
Asaýbaevamen qatar, marapatqa úmitkerler qatarynda álem chempıony Tszıýı Ventszıýn, Aleksandra Gorıachkına, Hampı Konerý, Tan Chjýnı, Leı Tıntsze, Anna Mýzychýk, Dıvıa Deshmýh, Vaıshalı Rameshbabý jáne Chjý Tszıner bar.
Jeńimpazdardy arnaıy sarapshylar komıteti anyqtaıdy. FIDE Excellence Awards syılyǵynyń alǵashqy saltanaty 2026 jyldyń qyrkúıeginde Samarqandta ótedi.
Úmitkerlerdiń tolyq tizimin FIDE resmı saıtynan kórýge bolady.
Buǵan deıin Bıbisara Asaýbaeva álemniń úzdik bes shahmatshysynyń qataryna qosylǵany habarlanǵan.
