Bıbisara Asaýbaeva Eýropadaǵy iri týrnırde tórtinshi orynǵa kóterildi

ASTANA. KAZINFORM — Qazaqstandyq shahmatshy Bıbisara Asaýbaeva Vengrııa astanasy Býdapeshtte ótip jatqan Total Chess World Championship Tour Pilot 2026 bedeldi týrnırinde tórtinshi orynǵa kóterildi, dep habarlaıdy Sports.kz.

Women’s Speed Chess-2026: Bıbisara Asaýbaeva ózbekstandyq shahmatshyny jeńip, shırek fınalǵa shyqty
Foto: Sports.kz

Toptyq kezeńniń úshinshi týrynda blıtsten eki dúrkin álem chempıony Úndistan ókili Vaıshalı Rameshbabýmen «jyldam klassıka» (Fast Classic) formatynda eki partııa ótkizdi. Qarsylastar bir-birin bir retten jeńip, qazaqstandyq shahmatshy úsh upaı enshiledi.

Osynyń arqasynda Asaýbaeva qarsylastarynan ozyp, toptaǵy besinshi orynnan tórtinshi orynǵa kóterildi. Qazir onyń enshisinde segiz upaı bar.

Top kóshin frantsııalyq Maksım Vashe-Lagrav 12 upaımen bastap tur. Ekinshi jáne úshinshi oryndardy amerıkalyq Hans Moke Nımann men úndistandyq Ardjýn Erıgaısı bólisip keledi. Ekeýinde de toǵyz upaıdan bar.

Úsh týrdan keıingi D tobynyń týrnırlik kestesi:

  1. Maksım Vashe-Lagrav (Frantsııa) — 12 upaı

  2. Hans Moke Nımann (AQSh) — 9 upaı

  3. Ardjýn Erıgaısı (Úndistan) — 9 upaı

  4. Bıbisara Asaýbaeva (Qazaqstan) — 8 upaı

  5. Ýeslı So (AQSh) — 4 upaı

  6. Vaıshalı Rameshbabý (Úndistan) — 4 upaı.

Júlde qory 650 myń dollar bolatyn Total Chess World Championship Tour Pilot 2026 týrnıri Býdapeshtte 10-20 qarasha aralyǵynda ótedi. Oǵan álemniń 24 úzdik shahmatshysy qatysyp jatyr.

Buǵan deıin Bıbisara Asaýbaeva FIDE reıtıngindegi ornyn saqtap qalǵan bolatyn.