Bıbisara Asaýbaeva áıelder arasynda ekinshi grossmeıster atandy
ASTANA. KAZINFORM — BAÁ-de ótken Sharjah Masters 2025 sýpertýrnırinde 21 jastaǵy Bıbisara Asaýbaeva óziniń úshinshi grossmeısterlik normasyn oryndap, alǵash ret 2500 reıtıngtik mejeden asty. Bul týraly Qazaqstan shahmat federatsııasy habarlady.
Bıbisara 64 grossmeıster qatysqan týrnırde úzdik 30-dyqqa enip qana qoımaı, áıelder arasynda eń úzdik nátıje kórsetip, áıelder Gran-prıiniń jeńimpazy Chjý Tszıner men Olımpıada chempıony Dıvıa Deshmýhty artta qaldyrdy.
Endi tek FIDE keńesiniń aldaǵy otyrysynda resmı bekitý qaldy, sodan soń Bıbisara qazaqstandyq áıelder arasynan ekinshi grossmeıster (GM) atanbaq. Birinshisi — Jansaıa Ábdimalik.
Aıta ketelik Aqtaýlyq shahmatshy Qazaqstan tarıhyndaǵy eń jas halyqaralyq grossmeıster atanǵany týraly jazǵan edik