Bıbisara Asaýbaeva alǵash ret álemniń úzdik bes shahmatshysynyń qataryna qosyldy
ASTANA.KAZINFORM - Qazaqstandyq shahmatshy Bıbisara Asaýbaeva Halyqaralyq shahmat federatsııasynyń (FIDE) jańartylǵan álemdik reıtınginde besinshi orynǵa kóterildi.
Shilde aıyndaǵy FIDE reıtıngisiniń tizimine sáıkes, 22 jastaǵy qazaqstandyq grossmeıster 2538 reıtıng upaıyn jınap, burynǵy reıtıngimen salystyrǵanda eki satyǵa joǵarylady.
Osylaısha, Asaýbaeva mansabynda alǵash ret álemdegi eń myqty 5 shahmatshynyń qataryna endi.
Álemdik reıtıng kóshbasshysy Qytaı ókili Hoý Ifan bolyp qala beredi. Alǵashqy bestikke onyń otandastary Chjý Tszıner, Leı Tıntsze jáne qazirgi álem chempıony Tszıýı Ventszıýn kiredi.
Asaýbaeva tabysty jolyn jalǵastyryp jatyr. Maýsym aıynda ol bedeldi Norway Chess Women 2026 týrnırinde jeńiske jetkennen keıin FIDE 2026-2027 áıelder tsıkliniń jalpy esebin basqardy. Bul onyń kelesi úmitkerler týrnırine shyǵýǵa pozıtsııasyn nyǵaıtty.
Bıbisara Asaýbaeva Norway Chess Women 2026 týrnırinde álem chempıonyn jeńgen bolatyn.
