Bıbisara Asaýbaeva álemdik reıtıngidegi ornyn jaqsarta tústi
ASTANA. KAZINFORM – Halyqaralyq shahmat federatsııasy (FIDE) álemniń úzdik grossmeısterleriniń jańartylǵan retııngisin jarııalady.
El quramasynan qazaqstandyq shahmatshy Bıbisara Asaýbaeva jaǵdaıyn jaqsarta tústi. Ol burynǵy ornynan eki satyǵa joǵarylap, endi 12-orynǵa ornalasty. Onyń enshisinde 2 494 upaı bar. Dál sondaı upaı jınaǵan reseılik Polına Shývalova otandasymyzben qatar tur.
Bıbisara 2004 jyly 26 aqpanda Taraz qalasynda dúnıege kelgen. Ol – áıelder arasyndaǵy grossmeıster (2019). Sondaı-aq ol blıts boıynsha álem chempıony (2021) atandy. Al rapıd boıynsha álem chempıonatynyń kúmis júldegeri (2021) boldy. 2021 jyly Azııa chempıony ataǵyn jeńip aldy.
Reıtıng boıynsha úzdik júz shahmatshy tizimine qazaqstandyq taǵy eki sportshy engizilgen. Atap aıtqanda, Merýert Kamaletdınova 2 345 upaımen 97, 2 344 upaımen Ámına Kaıyrbekova 100-orynda tur.
Eske salsaq, budan buryn qazaqstandyq shahmatshylar Grekııadaǵy álem chempıonatynda 6 altyn, 1 qola medal aldy.