Bıbisara Asaýbaeva jyldam shahmattan áıelder chempıonatyna joldama aldy
NUR-SULTAN. QazAqparat - Qazaq shahmatshysy, áıelder arasyndaǵy halyqaralyq grossmeıster Bıbisara Asaýbaeva jyldam shahmattan áıelder chempıonatyna (Women's Speed Chess Championship) joldama aldy, dep habarlaıdy QazAqparat Mádenıet jáne sport mınıstrligine silteme jasap.
Jyldam shahmattan álem chempıonaty – kil myqtylar qatysatyn jáne onlaın formatta ótetin osy jyldyń basty básekesi.
28 mamyrda bastalǵan irikteý kezeńi 6 maýsymǵa deıin jalǵasady. Al negizgi báseke 10 maýsymda bastalyp, 3 shildede aıaqtalady. Chempıonattyń júlde qory 66 000 AQSh dollary.
IM Bıbisara Asaýbaeva úshinshi múmkindiginde joldamaǵa ıe boldy. Otandasymyz aldyńǵy chempıonattarda pleı-offtan ary asa almaǵan.
Ár irikteý kezeńi 21 aınalymnan turatyn shveıtsarııalyq júıe boıynsha (ýaqytty baqylaý 1+1) jáne segiz jeńimpazdyń arasynda ótetin nokaýttan turady. Kelesi irikteý jarysy búgin 3 maýsymda bastalady.
Aıta keteıik, chempıonat 16 shahmatshynyń arasynda ótedi. Erterek joldama alǵan segiz shahmatshy arnaıy shaqyrylǵan segiz oıynshymen kezdesedi. Shaqyrtý alǵandar: GM Hampı Konerý (Úndistan), GM Aleksandra Kostenıýk (Reseı), GM Antoaneta Stefanova (Bolgarııa), GM Anna Mýzychýk (Ýkraına), GM Irına Krýsh (AQSh), GM Katerına Lagno (Reseı), GM Leı Tıntsze (Qytaı).
Jankúıerler FIDE áıelder chempıonatyn Chess.com/TV jáne Twitch Chess.com arnasynan sarapshylardyń túsindirmesi arqyly tamashalaı alady. IDE Chess.com áıelder chempıonatynyń tolyq kestesin myna siltemeden kórýge bolady:
