Bıbisara Asaýbaeva: Bireýdiń namysyna tısem, keshirim suraımyn
«Úndistandaǵy Gran-prı jarysynda bolyp jatqan beıbereketsizdikti «kóbelek effektisine» teńeýge bolady. Jaǵanyń bir jaǵasyndaǵy serpilgen qanattan týyndaǵan «tsýnamı» qarsy jaǵadaǵy bizdi jaýyp qaldy. Keshe men áńgimelegen bir epızod endi ne isteýimiz kerektigin túsine almaıtyndaı saldarǵa ákeldi.
Keshe men qyzbalyqqa salynǵan shyǵarmyn (ol úshin ózime tıesili heıtter legin alyp úlgerdim de). Sóz joq, sýyq sananyń aldynda júretin emotsııalar da biraz dúnıeni búldirýi múmkin. Bul bárimizge sabaq bolsyn. Shahmatshyǵa birneshe qadamdy aldyn ala oılaý kerek – ásirese ómirde sondaı qabilettiń bolǵany jaqsy. Óıtkeni ómirdegi qateliktiń quny shahmat taqtasynan áldeqaıda joǵary. Qatelesken bolsam, moıyndaýǵa daıynmyn», - dedi ol.
Sondaı-aq, ol qazir eń áýeli týrnırdi abyroımen aıaqtaýǵa ǵana múddeli ekenin atap ótti.
«Biraq qazir men bir ǵana nárseni qalaımyn: Nıý-Delıde bolyp jatqan dúnıeler esh jerde bolmasa eken. Salǵyrt uıymdastyrý da, uıqy qanbaý da, kóz jasy da, daý-damaı da, qursaýly belgisizdik te, bitip bermeıtin, jalǵan úmit syılaıtyn ýádeler de bolmasa eken.
Shahmat oınap, rekordtar ornatyp, elimniń abyroıyn asyryp, jaqyndarymdy qýantqym ǵana keledi. Biz bul jerge sol úshin kelgen edik qoı. Bizge sondaı múmkindik beredi de dep úmittenem.
Qasıetti Ramazan aıynda oıyńnyń taza, nıetińniń ıgi bolǵany aıryqsha mańyzdy. Bireýlerdiń namysyna tısem, keshirim suraımyn. Ondaı maqsatym bolǵan joq. Qurmetke laıyq adam jetsin!», - dep jazdy shahmatshy.
Eske salsaq, áleýmettik jelide Úndi elindegi atalmysh týrnırge Qazaqstan atynan qatysýǵa barǵan Bıbisara Asaýbaeva men Jansaıa Ábdimálik arasnyda keleńsiz daýy týyndaǵan bolatyn.