Bıbisara Asaýbaeva Berlındegi Armageddon Women’s Chess Week týrnırinde úzdik boldy

ASTANA. QazAqparat - Bıbisara Asaýbaeva Berlınde ótken Armageddon Women’s Chess Week týrnırine qatysty. Bul týraly 19 jastaǵy qazaqstandyq shahmatshy Instagram paraqshasynda habarlady, dep jazady QazAqparat.

Onyń aıtýynsha, týrnır óte qyzyq formatta ótti.

Ereje qarapaıym: nokaýt júıe boıynsha týrnır, 2 blıts oıyn, 1-1 esebinde Armageddon oınalady, ıaǵnı qatelikke jol joq.

Álemniń eń myqty 8 shahmatshysy qatysyp jatyr.

«Men barlyq matchtardy jeńe aldym, tek bir Armageddon oınadym jáne búkil týrnırde bir oıynda ǵana jeńildim. Birinshi kezdesýde Grýzııanyń eń myqty shahmatshysyn, 2017 jylǵy blıts boıynsha álem chempıony N.Dzagnıdzeni 2-0 esebimen uttym», – deıdi B.Asaýbaeva.

Ekinshi aınalymda shahmatshy 2022 jyly blıts boıynsha álem chempıonatynyń kúmis júldegeri jáne sońǵy 20 jyldaǵy álemdegi eń myqty shahmatshylardyń biri H.Konerýdy jeńdi.

Ol jartylaı fınalda G.Mamedzadany 1.5-0.5 esebimen jeńip, fınalǵa jáne qyrkúıekte ótetin Grand Final-ǵa joldama aldy.

Aqtyq saıysta Bıbisara H.Konerany negizgi ýaqytta 1.5-0.5 esebimen taǵy da utty.

«Demalýǵa ýaqyt joq, búrsigúni Kıprde áıelder arasynda Gran-prı kezeńi bastalady», - dep túıindedi sportshy.