Bıbısara Asaýbaeva álem chempıonaty úshin oınaıtyn matchqa bir qadam qalǵanda toqtady
ASTANA. KAZINFORM — Qazaqstandyq shahmatshy Bıbısara Asaýbaeva 2026 jylǵy FIDE áıelder arasyndaǵy jarysqa úmitkerler týrnırinde ekinshi orynǵa turaqtady.
Sońǵy týrda Bıbısara Dıvıý Deshmýkhpen jeńiske jete almaı, teń oıynǵa qol jetkizdi. Al basqa úndi shahmatshysy Vaıshalı Rameshbabý fınalda Katerına Lagno qarsy oınap, keremet tehnıkasymen jeńiske jetti.
Jalpy esep boıynsha Vaıshalı 8,5 upaı jınap, 2026 jylǵy FIDE áıelder arasyndaǵy týrnırge úmitkerler jarysynda birjolata jeńiske jetti. Endi ol álem chempıonaty úshin Tszıý Ventszıýn qarsysyna shyǵady.
Bıbısara Asaýbaeva 8 upaı jınap, ekinshi orynǵa turaqtady. Jeńiske jetý úshin oǵan tek 0,5 upaı jetpeı qaldy.
Ekinshi oryn alǵanymen, týrnır ár eki jyl saıyn ótetinin jáne bul álem shahmatyndaǵy eń mańyzdy jarystardyń biri ekenin atap ótý mańyzdy. Qazaqstandyq shahmatshy tarıhta alǵash ret qatysyp otyr.
Buǵan deıin Bıbisara Asaýbaeva Úmitkerler týrnırindegi ornyn jaqsartqanyn jazǵan edik.
