Bıbigúl Jeksenbaı Senat tóraǵasynyń keńesshisi bolyp taǵaıyndaldy

ASTANA. QazAqparat - Bıbigúl Jeksenbaı Qazaqstan Respýblıkasy Parlamenti Senaty tóraǵasynyń buqaralyq aqparat quraldarymen baılanys jónindegi keńesshisi bolyp taǵaıyndaldy. Bul týraly Senattyń baspasóz qyzmeti habarlady.

Bas redaktorlar klýbynyń habarlaýynsha, Bıbigúl Jeksenbaı Bas redaktorlar klýby prezıdenti retinde jumysyn jalǵastyrady.
Bıbigúl Nurǵalıqyzy - Halyqaralyq Bıznes Akademııasynyń bıznes basqarý magıstri. Kásibı qyzmettik jolyn 1992 jyly «Sport» basylymynda tilshi bolyp bastady, keıinirek respýblıkalyq qoǵamdyq-saıası «Jas Alash» jáne «Atamura» basylymynda qyzmet etti. Redaktor, prodıýser qyzmetterinde boldy, keıinnen «Habar» agenttiginiń Astana qalasy boıynsha ortalyq bıýro dırektorynyń orynbasary qyzmetine taǵaıyndaldy. «Qazaqstan» tele-radıo korporatsııasynda, «Era» telearnasynyń bas dırektory orynbasary-bas redaktory, «Jetinshi arna» telearnasynyń bas dırektory bolyp jumys istedi. Sońǵy ýaqytta «Jetinshi arna» Dırektorlar keńesiniń tóraıymy qyzmetin atqardy.
«Qurmet» ordeni, BAQ salasyndaǵy Qazaqstan Respýblıkasynyń Prezıdenti syılyǵynyń laýreaty, «Qazaqstan Táýelsizdiginiń 10-jyldyǵy», «Astananyń 10-jyldyǵy» merekelik medaldarymen marapattalǵan jáne «Mádenıet qaıratkeri» ataǵynyń ıegeri.