Bıbigúl Tólegenova atyndaǵy VII halyqaralyq vokalıster baıqaýynyń jeńimpazdary anyqtaldy
ASTANA. QazAqparat - Astanada KSRO halyq ártisi, Sotsıalıstik Eńbek Eri, Qazaqstan jáne KSRO memlekettik syılyqtarynyń ıegeri Bıbigúl Tólegenovanyń 85 jyldyq mereıtoıyna oraı ótkizilgen VII halyqaralyq vokalıster baıqaýynyń qorytyndylary jarııa etildi.
Bıylǵy baıqaýǵa Qazaqstannyń túrli aımaqtarynan, sonymen qatar Ózbekstan, Ýkraına, Reseı, Bashqurtstan, Tatarstan, Armenııa, Lıtva jáne Mońǵolııadan kelgen opera óneriniń 50 oryndaýshysy qatysty. Ádilqazylar alqasynyń tóraıymy, halyqtyń súıikti ánshisi Bıbigúl Ahmetqyzynyń sózine qaraǵanda, qatysýshylardyń arasynan 12 fınalısti iriktep alý qıyn boldy. Ádilqazylar tórt kún boıy tynymsyz ter tógip, baıqaý jeńimpazyn anyqtady. Sonymen, atalmysh baıqaýdyń gran-prı júldesiniń ıegeri bolyp L.V.Sobınov atyndaǵy Saratov memlekettik konservatorııanyń túlegi, Saratov qalasynyń Akademııalyq opera jáne balet teatrynyń solısti Svetlana Kýrysheva atandy. Birinshi oryndy qazaqstandyq Damır Sádýaqasov, armenııalyq Mane Galoıan jáne mońǵolııalyq Anhbaıar Enhbold ózara bólisti, dep habarlaıdy QR Mádenıet jáne sport mınıstrliginen.
