Bıbigúl Tólegenovany Air Astana áýe kompanııasy ushaǵyna nelikten birden kirgizbegen
ASTANA. KAZINFORM – Air Astana kompanııasy halyq ártisi Bıbigúl Tólegenovamen bolǵan jaıtqa qatysty túsinikteme berdi.
Áleýmettik jeli qoldanýshysy Leka Saveleva Air Astana áýe kompanııasynyń prezıdenti Pıter Fosterge ashyq hat jazǵan. https://www.facebook.com/share/p/bA2A8zBicParVy1E/ Onyń muzmunyna qarasaq, kompanııa qyzmetkerleri halyq ártisi Bıbigúl Tólegenovany ushaqqa dereý otyrǵyzbaǵan jáne dórekilik tanytqan.
«Air Astana áýe kompanııasy úshin qaýipsizdik basty basymdyq. Halyqaralyq avıatsııalyq qaýipsizdik erejelerine sáıkes, qımyl qozǵalysy shekteýli jolaýshylar bortqa otyrǵyzýdyń basynda nemese sońynda shaqyrylady. Bul ereje barlyq jolaýshyny otyrǵyzý úshin qolaıly ári termınaldan evakýatsııalaý tártibimen baılanysty», - dep túsindirgen áýe kompanııadan.
Kompanııanyń túsindirýinshe, halyq ártisi Bıbigúl Tólegenova qyzymen ushaqqa jolaýshylardy otyrǵyzý bastalǵanda kelgen, sondyqtan áýe qyzmetkeri ártisten jolaýshylardy otyrǵyzýdyń aıaqtalýyn kútýdi ótingen.
«Áýe kompanııa túsinispeýshilik jaǵdaıǵa ókinish tanytady jáne qyzmet kórsetý sapasyn arttyrý maqsatynda atalǵan jaǵdaı boıynsha qosymsha tekserý júrgiziledi», - deıdi Air Astana-dan.
Aıta ketsek, bolǵan jaıtqa qatysty Mádenıet jáne aqparat mınıstri Aıda Balaeva pikir bildirdi.
«Qazaqstannyń jáne KSRO-nyń halyq ártisi, aty ańyzǵa aınalǵan ánshi Bıbigúl Tólegenovany Air Astana áýe kompanııasynyń bortyna otyrǵyzý kezinde bolǵan óte yńǵaısyz jaǵdaı meni de qatty alańdatty. Áýe kompanııasy bul máselege qatysty túsinikteme berip, áýe qaýipsizdiginiń halyqaralyq erejeleri eske saldy. Árıne, ushaqtyń jáne jolaýshylardyń qaýipsizdigin qamtamasyz etýge arnalǵan erejeler qatań saqtalýǵa tıis», - dep jazdy mınıstr Facebook paraqshasynda.
Mınıstrdiń pikirinshe, áýe kompanııasy men onyń qyzmetkerleri ishki nusqaýlyqtardan bólek, qarapaıym etıkany, adamı qarym-qatynasty saqtap, óz klıentterine qurmetpen qaraýy kerek.
«Ásirese, jasy úlken jolaýshylarǵa, Otan aldynda aıryqsha eńbegi bar adamdarǵa erekshe qurmet kórsetilýge tıis. Óıtkeni aǵa býynǵa qurmet – tárbıe men ishki mádenıet máselesi. Al qazaq óneriniń bulbuly, óner maıtalmany Bıbigúl Ahmetqyzyna zor densaýlyq, uzaq ómir men sarqylmas kúsh-jiger tileımin», - deıdi A. Balaeva.
