Bıbarys Áshirbaı jasóspirimder Olımpıadasynyń fınalyna shyqty
ASTANA. KAZINFORM — Qazaqstandyq boksshy Bıbarys Áshirbaı Dakarda (Senegal) ótip jatqan jazǵy jasóspirimder Olımpıadasynyń jartylaı fınalynda jeńiske jetti.
Otandasymyz 70 kelige deıingi salmaqta meksıkalyq Horhe Lýıs Neblas Gýterrespen judyryqtasty.
QR UOK málimetinshe, úsh raýndtyń qorytyndysy boıynsha qazaqstandyq boksshy tóreshilerdiń sheshimimen 5:0 esebimen basym tústi.
Osylaısha Bıbarys Áshirbaı Olımpıada oıyndarynyń altyn medali úshin baq synaıdy. Onyń fınaldaǵy qarsylasy keıinirek anyqtalady.
Aıta keteıik, buǵan deıin Aqnur Tursynǵalı (57 keli) aqtyq synǵa ótken edi.
Sonymen qatar Lıýbov ıÝn jasóspirimder Olımpıadasynyń shırek fınalyna shyqty.