Bıbarys Áshirbaı álem chempıonatynda alǵashqy qarsylasyn jeńdi
ASTANA. KAZINFORM — Chernogorııanyń Býdva qalasynda World Boxing uıymynyń U19 sanatyndaǵy álem chempıonatynda kezekti otandasymyz sharshy alańǵa shyqty.
70 kelide basty favorıtterdiń qataryna kiretin Bıbarys Áshirbaı 1/16 fınalda Santıago Hımenez Lossomen (Argentına) ózara myqtyny anyqtady.
QR Boks federatsııasy málimetinshe, alǵashqy raýndtan sheberligi áldeqaıda joǵary otandasymyz qarsylastyń adymyn ashtyrmaı, shabýyl men qorǵanysta da óte saýatty judyryqtasty. Qorytyndy esep: 5:0.
Al qyzdar arasynda 54 kelidegi Janel Imantaeva 1/8 fınalda Rosıe Sveılespen (Shotlandııa) sharshy alańda kezdesti.
3-raýnd boıy shıelenisti ótken aıqasta tóreshiler 2:3 esebimen jeńisti qarsylasqa berdi.
Chernogorııada World Boxing uıymdastyratyn álem chempıonatyna elimizden qansha boksshy baratynyn jazǵan edik.
