Bıatlonshy Vıshnevskaıa mass-start tarıhynda Qazaqstannyń úzdik nátıjesin kórsetti
ASTANA. QazAqparat - Qazaqstandyq bıatlonshy Galına Vıshnevskaıa Germanııanyń Oberhofynda ótken Álem kýbogy kezeńinde mass-start baǵdarlamasynda 4-oryndy ıelendi.
Osylaısha, ol baǵdarlamanyń atalmysh túrinde qazaqstandyq bıatlonshylardyń jetistikterin jańartty, dep habarlaıdy QazAqparat Sports.kz -qa silteme jasap.
Bul nátıje mass-starttyń bútin tarıhynda qazaqstandyq qyzdar úshin eń úzdik boldy.
Buǵan deıin eń joǵary jetistik - 21-oryn 2010/11 maýsymynda Oberhofta ótken álem chempıonaty kezeńinde óner kórsetken Marına Lebedevaǵa tıesili boldy. Vıshnevskaıanyń mass-starttaǵy eń úzdik nátıjesi 2015/16 maýsymynda Norvegııada ótken álem chempıonatyndaǵy 22-inshi oryn jáne osy maýsymda Nove-Mestodaǵy (Chehııa) álem chempıonaty kezeńinde.
