Bıatlonnan sprınterlik qashyqtyqtaǵy Qazaqstan chempıondary anyqtaldy
ASTANA. QazAqparat - Almatyda bıatlonnan Qazaqstan chempıonaty ótip jatyr. Sprınterler jarysy jankúıerler men bapkerler úshin asa qyzyqty ótti, dep habarlaıdy Olympic.kz.
Tartysty básekede 22 mınýt 33 sekýnd kórsetkishimen Anastasııa Kondrateva (Aqmola oblysy) jeńimpaz atandy. Onyń nysana kózdeýde múlt ketpegenin aıta ketý kerek.
Kúmis júlde ShQO ókili Elızaveta Belchenkoniń, qola júlde qaraǵandylyq Lıýdmıla Ahatovanyń enshisinde.
Jasóspirimder arasynda úzdikter úshtiginde - Evgenııa Krasıkova, Arına Sheshýkova jáne Polına Egorova.
Al erler arasyndaǵy sprıntte Vladıslav Kıreevtiń (Qaraǵandy oblysy) kórsetkishi bárinen de joǵary boldy. Ol belgilengen qashyqtyqty 27 mınýt 22 sekýndta júrip ótken.
Nysana kózdeýde de Kıreevtiń upaıy túgel. Jeńimpazdan 19 sekýndqa utylǵan Tımýr Kýts (Pavlodar oblysy) kúmis júlde ıelense, Roman Eremın (Aqmola oblysy) qola enshiledi.
