Bıatlonnan Qazaqstan komandasy Slovenııada jattyǵý jıynyn ótkizip jatyr
ASTANA. KAZINFORM – Bıatlonnan Qazaqstan ulttyq quramasy Slovenııanyń Poklıýka qalasynda oqý-jattyǵý jıynyn ótkizýde.
Jańa maýsymda jattyqtyrýshylar shtaby tájirıbeli bapkermen tolyqty. Belarýs jáne Lıtva quramalarynda aǵa jáne bas jattyqtyrýshysy bolyp jumys istegen Sergeı Sokolovskıı endi Qazaqtan komandasyna aýysty.
Ol IBU Kýbogi kezeńderine qatysatyn quramany, al Aleksandr Mýhın Álem kýbogi kezeńderinde baq synaıtyn komandany jattyqtyrady. Sonymen qatar oqý-jattyǵý jıynynda áıelder quramasynyń bas jattyqtyrýshysy Vladımır Borısovıch Korolkevıch te bar.
Komanda Slovenııada 15 maýsymǵa deıin bolady, keıin Germanııanyń Oberhof qalasynda kelesi oqý-jattyǵý jıynyn ótkizedi. Alda mańyzdy maýsym, al odan buryn jazǵy álem chempıonaty kútip tur.
