Bıatlonnan Qazaqstan chempıonatynyń alǵashqy jeńimpazdary anyqtaldy

ASTANA. KAZINFORM – Şýche qalasynda bıatlonnan Qazaqstan Respýblıkasynyń chempıonaty bastaldy. 

Týrnırdiń alǵashqy júldeleri sprınt jarysynda sarapqa salyndy.

Erler arasynda Vladıslav Kıreev jeńimpaz atandy. Aleksandr Mýhın ekinshi bolyp márege jetti. Al Erjanat Qýandyq úzdik úshtikti túıindedi.

Áıelder jarysynda Olga Poltoranına top jardy. Mılana Geneva kúmis júldege ıe boldy. Darıa Klımına úshinshi oryn aldy.

Aıta keteıik, Qazaqstan chempıonatyna eldiń toǵyz óńirinen 100-den astam sportshy qatysyp jatyr.

Eske sala keteıik, buǵan deıin frıstaıldan álem chempıonatynda qazaqstandyqtar aralas komandalar saıysynda úzdik nátıje kórsetkenin habarlaǵan edik.