Bıatlonnan Álem kýbogynyń 5-shi kezeńi aıaqtaldy
ALMATY. 14 qańtar. QazAqparat – Germanııanyń Rýpoldıng qalasynda 8-13 qańtar aralyǵynda bıatlonnan Álem kýbogynyń 5-shi kezeńi ótti.
Bul básekede qazaqstandyq sportshylar úzdik ondyqtyń qataryna ilige almady. Atap aıtqanda estafetalyq jarysta áıelder 22 komandanyń arasynda 12-shi, erler 26 komandanyń arasynan 19-shy oryn aldy. Al sprınttik jarysta 100 sportshynyń arasynan Alına Raıkova 46-shy, Darııa Ýsanova 49-shy, Marına Lebedova 78-shi bop máre syzyǵyn kesti. Al erler arasyndaǵy sprınttik jarysqa 102 sportshynyń arasynan ıAn Savıtskıı 45-shi, Aleksandr Shervınkov 65-shi orynǵa taban tiredi. Álem kýbogynyń kelesi kezeńi endi 16-20 qańtarda Italııanyń Antholts-Anterselva qalasynda ótedi. Odan keıin 27 aqpan men 3 naýryz aralyǵynda Norvegııanyń Holmenkollen, 4-10 naýryzda Reseıdiń Sochı jáne 11-17 naýryzda Hanty-Maısııısk qalasynda aqtyq 3 kezeń bolady.
